O colectivo Solidarios cos maiores é un grupo de profesionais que poderían quedar coas mans nos petos pero preferiron achegar o seu gran de area.
O equipo inicial está formado por Chus Castro, Amalia Baltar, Bea Soler, Sabela Romar, Lucía Aller e Manolo Rodríguez.
O envellecemento da poboación fai que cada vez sexan máis as persoas maiores. Moitas delas precisan algún tipo de apoio para a súa vida diaria, desde as xestións bancarias ata pedir unha cita médica. O colectivo Solidarios cos maiores irá publicando unha serie de vídeos con testemuñas e información útil de profesionais expertos en cuestións que afectan o día a día dos maiores.
Falamos co arquitecto e concelleiro de Urbanismo da Coruña, Francisco Dinís, sobre as axudas que existen para mellorar a accesibilidade das vivendas.
Falamos con Martín Fernández Prado, presidente da Autoridade Portuaria da Coruña, para saber da accesibilidade que ten o Porto e as opcións que ofrece aos maiores.
Falamos coa artista Julia Ares sobre as súas creacións funerarias en vidro.
